«абдуқодир тошқулов» тегли мақолалар
Абдуқодир Тошқулов Термиз давлат университети ректорлигига қайтди
Абдуқодир Тошқулов 2021 йилгача ректорлик қилган Термиз давлат университетига қайта раҳбар бўлди. Бунгача у олий ва ўрта махсус таълим вазири, президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимларида ишлаган.
«Турар-жойга эҳтиёжи бор талабаларнинг 47 фоизи ётоқхона билан таъминланган» — Абдуқодир Тошқулов
Ўзбекистондаги ОТМларда таълим олаётган 211 минг нафар талабанинг турар-жойга эҳтиёжи бор, шундан фақат 91 минг талаба ётоқхонага жойлашиши мумкин. «Турар-жойга эҳтиёжи бор талабаларнинг 47 фоизи ётоқхоналар билан таъминланган», — деди Абдуқодир Тошқулов.
Талабалар ижара субсидиясининг шартномасиз варианти йўлга қўйилиши мумкин
Олий таълим вазири Абдуқодир Тошқулов талабалар ижара субсидиясининг шартномасиз варианти устида иш олиб борилаётганини айтди. Унга кўра, ижара субсидиясини кимларга беришни талабалар гуруҳда ўзи ҳал қилади. Илмий кенгаш тасдиқлагач, субсидия талабаларнинг пластик карталарига ўтказиб берилади.
Магистратурага топширилаётган сертификатларнинг 70 фоизи сохталаштирилган — Абдуқодир Тошқулов
Магистратурага қабул учун топширилаётган сертификатларнинг 70 фоизи сохталаштирилган, дея танқид қилди олий ва ўрта махсус таълим вазири Абдуқодир Тошқулов. У масъулларга қабул якунида сертификатларни яна бир бор текшириш, сохта ҳужжатлар топширганларни эса ўқишдан четлатиш юзасидан кўрсатма берди.
ОТМларга киришдаги имтиёзлар қайта кўриб чиқилади — олий таълим вазири
Олий таълим вазири Абдуқодир Тошқулов ОТМларга киришда бериладиган барча имтиёзлар қайта кўриб чиқилиб, инвентаризациядан ўтказилишини маълум қилди. «Жуда кўп ва хўп имтиёзларимиз бор. Кейинги ўқув йилидан шу имтиёзларнинг вақтини яшаб бўлганларидан воз кечамиз», — деди у.
Талабаларни ётоқхона билан таъминлаш 41 фоизга етказилди — Олий таълим вазирлиги
Олий таълим вазирлиги талабаларнинг қарийб 41 фоизи ётоқхона билан таъминланганини маълум қилди. 2020 йилда бу кўрсаткич 28 фоизни ташкил қилган. 2 қаватли каравотлар, турар жойларни оптималлаштириш, янги ётоқхоналар ҳисобига ўринлар сони кўпайтирилди.
Магистратурага ўқишга киришда мутахассислик фанларидан имтиҳонлар бекор қилиниши мумкин
Олий таълим вазири Абдуқодир Тошқулов магистратурага ўқишга кириш учун мутахассислик фанларидан имтиҳонларни бекор қилиш тартиби кўриб чиқилаётганини маълум қилди. Магистратурага ўқишга киришда чет тилини билиш даражаси тўғрисидаги малака сертификати ҳамда бакалавр дипломининг ўртача бали ҳисобга олиниши мумкин.
«Агар 70 ёшгача илм билан шуғулланган бўлса, у бизга жуда керак». Абдуқодир Тошқулов ОТМда ёши катталарнинг ишлаши ҳақида
Олий таълим вазири Абдуқодир Тошқулов ОТМларнинг илмий салоҳиятини шубҳа остига олаётганларга муносабат билдирди. Унинг сўзларига кўра, таълимда ишлаётган 70−80 ёшдан ошганлар шу вақтгача илм билан шуғулланган бўлса, улар таълим учун керак. Бундан ташқари, вазир тасдиқланмаган маълумот бергани учун 23 ОТМ проректорини танқид қилди.
5 баҳо учун сомон ташиттирган устозимни иккита шарт билан ишга олгандим — Абдуқодир Тошқулов
Олий таълим вазири Абдуқодир Тошқулов ўзининг талабалик йиллари, илгари ОТМга ҳужжат топширишда кузатилган қийинчиликлар, талабалар ўртасидаги маҳаллийчилик, пул топиш учун қора иш қилишга тўғри келгани ҳақида сўзлаб берди. Қолаверса, сессияда фанларни ёпиб юрган йилларини эсга олар экан, 5 баҳо эвазига 4 «тележка» сомон ташиттирган устозини университетга ректор бўлгач, иккита шарт билан ишга олганини айтди.
Талабалар 2-курсдан ишлаши мумкин бўлади — Олий таълим вазири
Олий ва ўрта махсус таълим вазири Абдуқодир Тошқулов қорақалпоғистонлик талабалар билан учрашувда ОТМларда 2 курсдан бошлаб ишлашга рухсат берувчи янги тизим яратилишини маълум қилди. «Ишлаганда ҳам ўзининг соҳасида ишласин. Мен буни ҳурмат қиламан», — деди у. Қолаверса, ОТМларда таълим жараёни 70 фоиз амалиётга ўтиш кераклиги таъкидланди.
65% аҳоли олий таълимга ишонмайди деган сўров натижаларини ўқиганмиз — Абдуқодир Тошқулов
Олий таълим вазири Абдуқодир Тошқулов аҳолининг 65 фоизи олий таълимга ҳалиям ишонмаслиги ҳақида сўровларни кўрганлигини таъкидлади. Вазир соҳада коррупция камайган бўлса-да, тизим атрофида фирибгарлар кўпайганлигини қайд этди. «Халқ, раҳбарият олий таълимнинг „ювелир“ даражада тоза бўлишини хоҳлайди», — деди у.
Абдуқодир Тошқулов Ўзбекистон волейбол федерацияси президентлигига сайланди
Эндиликда Олий ва ўрта махсус таълим вазири Абдуқодир Тошқулов Ўзбекистон волейбол федерациясининг президенти сифатида ҳам фаолият юритади.
Олий таълим вазири Қашқадарёда 3 минг талаба Telegram орқали ўқитилаётганини танқид қилди
Олий ва ўрта махсус таълим вазири Абдуқодир Тошқулов масофавий таълим учун кўплаб махсус платформалар бўлишига қарамасдан, Қашқадарё ОТМларидаги талабалар Telegram орқали ўқитилаётганини танқид қилди. Масофавий таълимни ташкил қилишдаги камчиликлар учун Қарши давлат университетининг Педагогика институти раҳбарларига ҳайфсан эълон қилинди.
«Ўқитувчиларга юклаш ҳолатлари бор». Абдуқодир Тошқулов ОТМдаги муаммолар ҳақида
ОТМ вазири Абдуқодир Тошқулов таълим муассасаларида гуруҳ мураббийи ўрнига жорий этилган «тьютор» лавозими билан боғлиқ муаммоларга тўхталар экан, уни ўқитувчиларга юклаш ҳолатлари учраётганини айтди. «Мақсад профессор ўқитувчиларни ўзига асосий ишига хос бўлмаган ишлардан озод қилиш, у сифатли дарс ўтсин», — деди у. Вазир шунингдек, дарсга кечикиб ва хатто тайёрланмасдан келаётган ўқитувчилар виждонан дарс ўтмаётганини танқид қилди.
«Энди қоғоз журнал, рейтинг дафтарча бўлмайди, талаба гувоҳномаси ҳам ID картага ўтказилади». ОТМ вазири рақамлаштириш ҳақида
Олий ва ўрта махсус таълим вазири ҳозирга қадар тизим тўлиқ рақамлаштирилмагани учун хорижлик ҳамкасблари олдида уялиб қолаётганини таъкидлади. «Ўзбекистон олий таълим тизимида журнал, рейтинг дафтарча қоғоз кўринишда бўлмайди», — деди Абдуқодир Тошқулов. У шунингдек, энди талабалар гувоҳномаси ҳам ID карта шаклида бўлишини қўшимча қилди.
Хориждан ўқишни кўчиришда ўтиш бали жорий йилги кириш баллари билан бир хил бўлади
Келгуси йилдан хориждан ўқишни кўчиришда ўтиш бали жорий йилги кириш баллари билан бир хил бўлиши маълум қилинди. Мазкур имтиҳонлар ДТМда ўтказилади. Ички ўқишни кўчириш хусусида ҳам янгиликлар кутилмоқда.
«Ётоқхоналарда ўғил болалар ва қизларнинг битта қаватда яшаши жуда уятли» — олий таълим вазири
Абдуқодир Тошқулов ОТМлар талабалар турар жойларида қизлар ва ўғил болаларнинг бир қаватда жойлаштирилганлигини танқид қилди. У бино битта бўлган тақдирда, иккита кириш ва чиқиш жойи қилиш мумкинлигини таъкидлади.
«Олий таълим муассасасида ҳаммаси ислоҳ бўлади, бизга атиги 3 ой керак» — Абдуқодир Тошқулов
Абдуқодир Тошқулов олий таълим муассасалари ислоҳ қилиниши, бунинг учун эса уч ой вақт кераклигини маълум қилди. «Умуман олий таълим муассасасида нима ёқмаган бўлса ҳаммаси ислоҳ бўлади», — деди вазир.
«Бу мажбурий меҳнатнинг бир кўриниши». ОТМ вазири — меҳмонларни кутиб олишга жалб қилинаётган талаба-қизлар ҳақида
Олий ва ўрта-махсус таълим вазири Абдуқодир Тошқулов хорижлик меҳмонларни кутиб олишга жалб қилинаётган талаба қизлар бўйича муносабат билдирди. «Нега менинг гул қизларим, гул кўтариб чиқиши керак? У ерга ҳам ўзингизни фарзандингизни қўйиб кўринг», — деди вазир. У шунингдек, «бу мажбурий меҳнатнинг бир кўриниши» эканини айтган.
«Ходимлар жисмонан ва руҳан чарчаган» — олий таълим вазири
Олий таълим вазири Абдуқодир Тошқулов иш фаолиятининг биринчи кунлари бўйича ўз таассуротлари билан бўлишди. Унинг айтишича, ходимлар ҳорғин, баъзи структуралар эса талабларга жавоб бермайди. У эндиликда вазирлик «янгича иш тартибига» ўтишини маълум қилди.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг